Qeveria e Zvicrës shprehet për përfundimin e programit të kursimeve

Në vend të një deficiti prej 2 miliardë frangash, Zvicra ka shënuar një fitim prej 3 miliardë frangash

Qeveria Federale ka ardhur në përfundim se Zvicra nuk do të jetë e detyruar të vazhdojë masat e kursimeve për vitin në vijim. Për këtë vlerësim ka ndikuar fakti se në vitin e kaluar, në vend të një deficiti të planifikuar prej 2 miliardë frangash, Zvicra, siç ka deklaruar ministrja e financave Eveline Widmer-Schlumpf, ka shënuar një fitim prej 3 miliardë frangash.

Kjo është arritur para së gjithash me rritjen e vjeljes së taksave të drejtpërdrejta federale dhe të Tatimit të Vlerës së Shtuar

Qëndrimin e Qeverisë Federale për përfundimin e masave të kursimit, partitë e kanë pritur në mënyra të ndryshme. Partitë e majta shprehen të kënaqura ndërkohë që të djathtat tërheqin vërejtjen për mundësinë e shpërthimit të një krize të re. Ato duan që një program masash kursimi të vazhdohet.

Sipas SVP-së, përfundimi i programit të kursimit do të nxiste lakmi për shpenzime të tepruara.

Nga ana tjetër SP shprehet se buxheti është në gjendje të mirë dhe se deri më tash është pare pa arsye me sy kritikë në këtë drejtim.