Qeveria e Maqedonisë ul çmimet e disa produkteve emergjente

Qëllimi i këtij Vendimi është të kthehen çmimet e këtyre prodhimeve në nivelin i cili ka vlejtur deri më 5 gusht të këtij viti (para vërshimeve), kur kërkesa për këto prodhime ka qenë normale, d.m.th. nuk ka pasur kërkesa për sasi të konsiderueshme të këtyre prodhimeve”,

Me një vendim të veçantë Qeveria e Maqedonisë ka ndërhyrë në kontrollin e çmimeve të disa produkteve të cilat u shtrenjtuan papritur menjëherë pas vërshimeve në Shkup dhe Tetovë. Siç njofton Ministria e Ekonomisë e Maqedonisë, produktet si: uji në shishe, qirinjtë për amvisëri, dorëza mbrojtëse, çizme të gomës, lopata, maska mbrojtëse dhe mjete për dezinfektim, u shtrenjtuan nga tregtarët, për shkak të rritjes së kërkesës në treg.

“Ministria e Ekonomisë sqaron se duke e shfrytëzuar kërkesën e rritur të këtyre prodhimeve, disa tregtarë i rritën çmimet e ujit në shishe, qirinjve për amvisëri, dorëzave mbrojtëse, çizmeve të gomës, lopatave, maskave mbrojtëse dhe mjeteve për dezinfektim, kështu që qëllimi i këtij Vendimi është të kthehen çmimet e këtyre prodhimeve në nivelin i cili ka vlejtur deri më 5 gusht të këtij viti (para vërshimeve), kur kërkesa për këto prodhime ka qenë normale, d.m.th. nuk ka pasur kërkesa për sasi të konsiderueshme të këtyre prodhimeve”, thuhet në këtë vendim.