Qeveria e Lucernit, pa asnjë të majtë dhe asnjë femër

Për herë të parë pas 56 vitesh një qeveri kantonale mbetet pa asnjë përfaqësues të majtë dhe tashmë, edhe pa asnjë femër

Në raundin e dytë të zgjedhjeve për ekzekutivin e Kantonit të Lucernit, është një rezultat që ka nxjerrë të majtën krejtësisht nga loja. Kandidatja nga Partia Socialdemokrate Felicitas Zopfi ka humbur duke mbetur në vendin e fundit dhe duke mundësuar kështu për herë të parë pas 56 vitesh një qeveri kantonale pa asnjë përfaqësues të majtë dhe tashmë, edhe pa asnjë femër. Zopfi ka fituar gjithsej 37154 vota

Kandidatët e partive të djathta kanë fituar dukshëm më shumë. Kështu, kandidati pa parti, por i proklamuar si i djathtëlmMarcel Schwerzmann ka realizuar rezultatin më të mirë, duke mbledhur 65706 vota. Pas tij vjen kandidati nga SVP-ja, Paul Winiker me 54500 vota. Përmes këtij të fundit, SVP-ja arrin që të kthehet sërish në qeveri, pas mungesës së saj tetë vjeçare.

Në raundin e parë kishin siguruar zgjedhjen në ekzekutivin e kantonit këta kandidatë: Guido Graf (CVP), Reto Wyss (CVP) dhe Robert Küng (FDP).