Qeveria e Kosovës miraton udhëzimin për ndalimin e pjesëmarrjes së fëmijëve në klubet e natës

(KEYSTONE/Valentin Flauraud)

Qeveria e Kosovës ka miratuar Udhëzimin Administrativ për Masat e Duhura Parandaluese dhe Mbrojtëse për Ndalimin e  Pjesëmarrjes së Fëmijëve në Klubet e Natës dhe Hapësira të tjera të ngjashme.

Në mbledhjen e së mërkurës u tha se ky vendim ka qëllim mbrojtjen e fëmijëve.

“Qëllimi i këtij Udhëzimi Administrativ është mbrojtja e shëndetit fizik dhe mendor, sigurisë dhe mirëqenies së fëmijëve nëpërmjet ndalimit të pjesëmarrjes së tyre në klubet e natës, ambientet e destinuara për konsum të alkoolit, qendrat e argëtimit për të rritur dhe forma tjera të ndaluara në të cilat i ekspozohen situatave dhe substancave të papërshtatshme, të ndaluara për moshën e tyre”, tha kryeministri i Kosovës, Albin Kurti, përcjell albinfo.ch.