PZAP rrëzon “qendrat alternative” të votimit jashtë Kosovës: Votim vetëm në përfaqësi diplomatike

Paneli Zgjedhor për Ankesa dhe Parashtresa (PZAP) ka miratuar ankesën e Lidhjes Demokratike të Kosovës (LDK) kundër vendimit të Komisionit Qendror të Zgjedhjeve (KQZ), që lidhej me organizimin e qendrave të votimit jashtë vendit për zgjedhjet e parakohshme parlamentare të 28 dhjetorit 2025.

Në vendimin e marrë më 30 nëntor 2025, PZAP ka ndryshuar vendimin e KQZ-së Nr. 01/3438 të datës 26.11.2025, duke konstatuar se qendrat e votimit jashtë Kosovës duhet të vendosen vetëm në përfaqësitë diplomatike të Republikës së Kosovës dhe hapësirat e tyre zyrtare, transmeton albinfo.ch.

Sipas PZAP-it, propozimi i KQZ-së për krijimin e “qendrave alternative të votimit” jashtë ambienteve zyrtare të misioneve diplomatike nuk ka bazë të mjaftueshme ligjore. Paneli theksoi se vendimi i KQZ-së ishte marrë me shumicë votash, por pa arsyetim të plotë ligjor dhe duke imponuar një formë të re organizimi që nuk është e paraparë me rregullat ekzistuese.

Me këtë vendim, për zgjedhjet e 28 dhjetorit, votimi jashtë Kosovës do të zhvillohet vetëm në ambasadat, konsullatat dhe hapësirat e tjera diplomatike të Kosovës

Vendimi: