Sindikata e shërbimit publik SSP njoftoi të enjten se punonjësit e aeroportit ndërkombëtar të Gjenevës, i dyti më i madh në Zvicër, do të ndërmarrin veprime industriale që do të pengonin trafikun ajror, nëse kërkesat e tyre nuk plotësohen, përcjell albinfo.ch.

Në lojë është politika e re e kompensimit e promovuar nga menaxhmenti i aeroportit.

Sipas sindikatës SSP, politika e re kërkon të eliminojë shpërblimet e punonjësve dhe lejon uljen e punëtorëve në bazë të sjelljes së tyre.

Nëse këto ndryshime miratohen nga bordi, punonjësit do të hynin në grevë në mesditë në shenjë proteste dhe aeroporti do të përjetonte një mbyllje totale të funksionimit, thotë sindikata.

Tutje u tha se tashmë ka informuar linjat ajrore të mëdha për planin, në mënyrë që ata të mund të “drejtojnë avionët e tyre në destinacione të tjera”.

Një grevë do të paralizonte plotësisht aeroportin, përmes të cilit udhëtojnë dhjetëra-mijëra pasagjerë çdo ditë, pasi shërbimet si trajtimi i bagazheve dhe kontrollet e sigurisë do të duhej të ndërpriteshin. Si rezultat, të gjithë avionët do të duhet të tokëzohen.

“Ne duhet të sigurohemi që lëvizja jonë të ketë ndikimin më të madh të mundshëm”, tha zëdhënësi i SSP, Jamshid Pouranpir.

Nëse veprimi do të ndodhë – gjë që mund të mos bëhet e qartë deri në mëngjesin e 29 qershorit, kur bordi i drejtorëve të aeroportit të Gjenevës është planifikuar të mblidhet për asamblenë e përgjithshme, më shumë se 300 punonjës do të largohen, përcjell tutje albinfo.ch.