Punëtorët në Cyrih mund të punojnë edhe pas moshës 65-vjeçare

Opsionet e reja fleksibël të daljes në pension marrin parasysh edhe zhvillimet demografike

Nga viti i ardhshëm, punonjësit e qytetit të Cyrihut do të mund të vazhdojnë punën nëse dëshirojnë, edhe pas moshës 65-vjeçare.

Në këtë mënyrë autoritetet e qytetit synojnë të kundërshtojnë mungesën e personelit të kualifikuar, përcjell albinfo.ch.

Opsionet e reja fleksibël të daljes në pension marrin parasysh edhe zhvillimet demografike.

Vendimi për të punuar më gjatë bëhet mbi baza vullnetare dhe garantohet brenda mundësive operacionale të sektorëve të ndryshëm të administratës. Prandaj nuk është një e drejtë automatike. Megjithatë, rregullat për moshën e daljes në pension dhe përfitimet e fondit pensional të qytetit mbeten të pandryshuara. Ekzekutivi i qytetit më të madh zviceran thekson në shënim se përvojat e fituara deri më tani në kuadër të projekteve pilot kanë bërë të mundur garantimin e transferimit të aftësive dhe lehtësimin e mungesës së personelit në një afat të shkurtër.

---