Punëdhënësit më të mëdhenj zviceranë

Ku janë hapur më shumë vende pune në Zvicër? Gazeta „Schweiz am Sonntag“ ka pyetur 50 kompani më të mëdha zvicerane

Në mesin e kompanive private janë “Novartis”, “Swisscom” dhe “Swatch Group” që kanë qenë punëdhënësit  më të mëdhenj zviceranë.

Numri i të punësuarve në sektorin publik është rritur mes 2009-s dhe 2013-s nga 158 200 në 183 300, siç shihet nga statistikat e punësimit të Qeverisë federale, të cilat i transmeton “Schweiz am Sonntag“. Në statistika janë përfshirë vetëm vendet e punës në agjencitë administrative federale, kantonale dhe komunale, por jo profesione të tilla, si mësues apo mjekë që punojnë në shërbimin publik.

Rritja për katër vjet është 25 100 vende pune, që i bie 523 vende të reja në muaj. Administrata shtetërore është rritur për tri herë më shumë me të punësuar. Si punëdhënësi më i madh privat, “Migros” ka të punësuar 64 000 njerëz me orar të plotë, 375 më pak se në vitin paraprak. Sidomos është rritur në masë të madhe numri i personelit në administratën federale, në veçanti në Departamentin e Punëve të Jashtme dhe në Departamentin e Transportit dhe Mjedisit. Një analizë e buxhetit më 2014 për komunat federale e kantonale tregon se po vazhdon rritja e numrit të punëtorëve.

Rritja e vendeve të punës në Zvicër për fat të keq është mbi mesataren në zonat joproduktive në vend. “Pjesa më e madhe e kompanive private në studimin “Job 2014” raportojnë se numri i punëtorëve do të mbetet i qëndrueshëm ose do të rritet pak. Një reduktim pritet megjithatë në Alstom, CS dhe UBS, CLARIANT, LONZA, Johnson & Johnson, Rieter, ARBONIA Forster dhe VALORA.