Pse do të rriten çmimet për udhëtimet e shkurtra në Gjermani

Kabineti i kancelares Angela Merkel do të nënshkruajë projektligje mbi taksat dhe subvencionet e reja të gjelbërta këtë javë, dhe kjo pritet të bëjë që të rriten çmimet e udhëtimeve të shkurtra në Gjermani

Si pjesë e një “pakete klimaterike” më të gjerë që synon të rikthejë ekonominë më të madhe të Evropës në drejtim të synimeve të uljes së emetimeve, taksat për fluturimet deri në 2.500 kilometra do të rriten 74 për qind, në 13.03 €.

Taksat për fluturimet më të gjata do të rriten rreth 41 për qind, duke arritur në 33,01 € për udhëtime deri në 6.000 km dhe 59.43 € në udhëtimet më të gjata, përcjell albinfo.ch.

Këto pritet të sjellin shtesë prej 740 milionë € në vit në arkat e shtetit, sipas draftit që do të duhet të paraqitet në Parlament.

Shpresohet se do të shtyjë më shumë udhëtarë të udhëtojnë me hekurudha. Qeveria gjermane gjithashtu planifikon të rrisë lehtësimin e taksave për udhëtarët, duke kompensuar kostot më të larta të karburantit nga një taksë e re në emetimet e dioksidit të karbonit – dhe për njerëzit që modernizojnë ndërtesat të harxhojnë më pak energji.

Rregulla të tjera të reja kanë për qëllim dhënien e stimujve për komunat për të lejuar ndërtimin e turbinave me erë, që kohët e fundit është ngadalësuar.

 

---