Protesta në disa qytete, në mbështetje të refugjatëve

Disa qindra veta kanë demonstruar pasditen e të shtunës në Cyrih duke kërkuar solidarizim më të madh të zviceranëve me refugjatët. Aktiviteti është zhvilluar në kuadrin e ditës së aksionit kundër racizmit dhe fashizmit.

Po në këtë kuadër, në Lucern kanë protestuar disa dhjetëra persona me moton «No Bunker». Ata janë shprehur kundër strehimit të azilkërkuesve nëpër bunkerë, gjegjësisht në hapësira ku mungon drita e diellit dhe ajri i mjaftueshëm.

Paralelisht edhe në Gjenevë është mbajtur një protestë. Kësaj here protestuesit janë drejtuar kundër politikës së Francës në lidhje me kampin e refugjatëve në qytetin port në Francën veriperëndimore, Calais. Rreth 600 protestues kanë marshuar në drejtim të Konsullatës Franceze në Gjenevë duke shprehur kritika kundër Francës.