Bota
Propozimi në Austri: Rregulla më të ashpra për azilkërkuesit
Kodi i sjelljes përmban rregulla të tilla si "Duhet të mësosh gjuhën gjermane", "Duhet t'u bindesh ligjeve austriake", "Konfliktet ti duhet t'i zgjidhësh pa dhunë" dhe "Ti duhet të jetosh me mirënjohje ndaj Austrisë"
Landi federal i Austrisë së Poshtme kërkon që azilkërkuesit në të ardhmen të nënshkruajnë rregullat e sjelljes me titull “Dhjetë Urdhëresat e Imigracionit”. Politikani populist i partisë së djathtë FPÖ, Gottfried Waldhäusl, i cili është përgjegjës për çështjet e azilit në qeverinë e Austrisë së Poshtme e paraqiti këtë propozim në një konferencë shtypi në kryeqytetin e landit St. Pölten.
Sipas kësaj, kodi i sjelljes përmban rregulla të tilla si “Duhet të mësosh gjuhën gjermane”, “Duhet t’u bindesh ligjeve austriake”, “Konfliktet ti duhet t’i zgjidhësh pa dhunë” dhe “Ti duhet të jetosh me mirënjohje ndaj Austrisë”, raporton “DW”.
Tregon si “funksionon Austria”
Sanksione për rastin kur dikush nuk u përmbahet rregullave nuk ka, theksoi fermeri i kualifikuar Waldhäusl. Për urdhëresat është menduar pozitivisht. “Ne u japim këtyre njerëzve mbrojtje të përkohshme dhe çdo gjë për të cilën kanë nevojë. Por ne gjithashtu presim njëfarë mirënjohjeje”. Çdo azilkërkues duhet të informohet që në krye, “për mënyrën si funksionon Austria”, përcjell albinfo.ch.
Më parë, Waldhäusli kishte informuar për projektin e tij gazetën gjermane “Die Welt”.
Sipas tij, azilkërkuesit duhet të marrin pjesë në të ashtuquajturat “kurse për vlerat” dhe në projekte integrimi, të cilat do të ofrohen në 15 gjuhë të ndryshme. Politikani i FPÖ-së nuk bëri të ditur se kur duhet të zbatohen këto plane.
Dhe ja si funksionon Gottfried Waldhäusl
Waldhäusli vetë tërhoqi vëmendjen pak muaj më parë, sepse dha urdhër që të strehoheshin refugjatë të mitur të pashoqëruar në një strehimore azili, të rrethuar me tela me gjemba dhe të ruajtur me roje.
Të rinjtë lejoheshin të largoheshin nga strehimorja vetëm të shoqëruar. Pas kritikave të Prokurorisë për Fëmijët dhe të Rinjtë të Austrisë së Poshtme, kryetarja e Landit, Johanna Mikl-Leitner (ÖVP) urdhëroi transferimin e të rinjve.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri