Pronarët “harrojnë” 630.000 konto pensionale me gjithsej 3 miliardë franga!

Sipas shefit menaxhues të fondacionit BVG, paratë janë harruar më së shpeshti me rastin e ndërrimit të vendeve të punës ose ndërprerjes së punës

Plot 630 mijë konto të fondit pensional (arkave pensionale «Pänsionskasse») në Zvicër «nuk kanë zot», gjegjësisht nuk janë shfrytëzuar nga personat të cilëve u kanë takuar. Të gjitha këto së bashku përbëjnë një shumë prej 3 miliardë frangash.

Por si ka ndodhur që të harrohet apo të humbet një sasi kaq e madhe parash?

Sipas shefit menaxhues të fondacionit BVG, paratë janë harruar më së shpeshti me rastin e ndërrimit të vendeve të punës ose në rastet kur personat e prekur për arsye të ndryshme kanë ndërprerë punë. Ai thotë për srf.ch se të punësuarit bartin vetë përgjegjësinë për trasferimin e parave në konton e re, kur e ndryshojnë vendin e punës, transmeton albinfo.ch. Ata po ashtu në rastet e përmendura mund t`i derdhin paratë në një konto të lirë, të pavarur nga cilido vend i punës.

Dhe, nëse nuk ndodh asnjëra nga këto, paratë shkojnë në fondin e përmendur.