Shkurt.ch

Procedura e azilit, vetëm 3 muaj!

E premte, 23 Nëntor 2012 - 14:05 albinfo.ch

Procedura e azilit nuk mund të zgjasë më shumë se 100 ditë, ose rreth tre muaj që nga hyrja në Zvicër e azilkërkuesit. Kështu ka kërkuar një grup pune i themeluar nga Këshilli Federal për të gjetur zgjidhje e propozime që do ta shkurtonin procedurën e azilit, e cila, në gjendjen e sotme, konsiderohet si e stërzgjatur.

Grupi që përbëhet nga ekspertë fedralë dhe nga kantonet, veç tjerash ka propozuar që për azilkërkuesit e varfër të mundësohet këshillimi juridik pa pagesë, njofton drs.ch.

Hapi i ardhshëm është mbledhja e përgjegjësve nga qeveritë kantonale në një konferencë nacionale ku do të shqyrtojnë propozimet e grupit punues dhe të arrijnë pajtim për pikat kryesore.