Prishtina me 102 raste brenda 24 orëve

Në Kosovë u konfirmuan të hënën edhe 195 raste pozitive me koronavirus. Më shumë se gjysma e tyre janë nga kryeqyteti.

Kryeqyteti ditëve të fundit është duke i prirë listës si qyteti me numrin më të lartë të rasteve në Kosovë.

E në 24 orët e fundit në Prishtinë janë konfirmuar edhe 102 raste të reja me koronavirus, duke çuar kështu bilancin në gjithsej 900 raste, shkruan albinfo.ch.

Në Prishtinë nga mbrëmë kanë filluar të zbatohen edhe masat e reja të ndërmarra nga Qeveria, të cilat kufizojnë lëvizjen e qytetarëve nga ora 21:00 në mbrëmje deri në ora 5:00 të mëngjesit.