Prishet aeroplani i “Swiss” në fluturim mbi Gjenevë

Të martën, një avion i kompanisë zvicerane “Swiss” u detyrua të kthehet ndërsa fluturonte mbi qytetin e Gjenevës prej një gjysmë ore, duke u munduar të ngadalësojë shpejtësinë e fluturimit të tij, e nevojshme për të aterruar.

“Ne nuk mund të zvogëlojmë shpejtësinë e fluturimit tonë. Ne do të përpiqemi edhe një herë të aterrojmë”, u kishte komunikuar kapiteni pasagjerëve. Avioni, një Avro 100, ishte ngritur në orën 12.50 nga Praga me 32 pasagjerë. Gjermani Wolfram Scheuter, i cili ishte po ashtu pilot, kishte vërejtur bashkë me gruan e tij se diçka nuk ishte në rregull.

“Ne duhej të ulemi pas 20 minutave. Por avioni nuk ndalej duke u sjellë rreth Gjenevës në një lartësi prej 4.000 metrash. Aeroplani arriti më në fund të aterrojë me shumë vështirësi. “Unë u frikësova, ndërsa gruaja ime ishte krejtësisht në panik”, thotë Wolfram Scheuter që kritikon kompaninë zvicerane, e cila as që kishte kërkuar falje për këtë incident.

“Avioni kishte një problem teknik. Piloti nuk kishte arritur të vendosë Airbrak-un, një shtesë e frenimit në dispozicion për raste të tilla. Avioni në fjalë ishte kontrolluar para dhe pas fluturimit.