Prindërit shqiptarë lirohen nga akuza për aksidentin tragjik me djalin e tyre

Aksidenti tragjik, në të cilin një djalosh katërvjeçar ka rënë nga vetura dhe ishte shtypur për vdekje nga një veturë tjetër në lëvizje, nuk do të ketë pasoja juridike në Zvicër

Ngjarja kishte ndodhur në korrik 2013 në Spreitenbach AG, kur djaloshi kishte rënë nga vetura e tipit JEEP nga dera e pasme e bagazhit dhe ishte shtypur nga vetura tjetër në lëvizje. Djaloshi katërvjeçar vdiq në vendin e aksidentit. 

Zyra e Prokurorit të Baden-it kishte iniciuar procedurën vijuese për vrasje të pavullnetshme. Procesi ishte drejtuar kundër prindërve, të cilët ishin në veturë, si dhe kundër shoferit, i cili kishte shtypur fëmijën. 

Prindërit ishin prekur aq thellë nga humbja tragjike e fëmijës së tyre, derisa prokurori në Baden e konsideron çdo dënim të papërshtatshëm, thuhet në një vendim të prokurorisë në Aargau.

Si erdhi të hapet dera e pasme e Jeep-it nuk mund të përcaktohet sipas prokurorëve. Hetimet zbuluan se katërvjeçari, i cili ishte ulur në pjesën e prapme të makinës, nuk ka qenë siguruar mirë në një vend të caktuar të sigurt për fëmijët. 

Prokuroria ka liruar nga akuza edhe shtetasin zviceran 60-vjeçar, i cili shkeli me veturë djaloshin shqiptar.

Po ashtu është konstatuar se nuk ishte një rrotë rezervë në derën e pasme të makinës së veturës që ishte aksidentuar djaloshi katërvjeçar. Përveç kësaj, dritaret e pasme ishin të ngjyrosura me të zi.

Zvicerani me veturën që kishte shtupur fëmijën nuk ka pasur mundësi ta vërejë nëse ka pasur një fëmijë në karriget e pasme të makinës. 

Prandaj ishte e pamundur të parashikonte që fëmija mund të hapë derën e pasme të veturës.

Nga Instituti i Mjekësisë Ligjore në Bernë nuk është mundur të përcaktohet përfundimisht nëse djali katërvjeçar vdiq nga pasojat e rënies nga makina – apo nga vdekja e shkaktuar nga shtypja e automjetit në vijim.