Prezantohet komiteti kundër të ardhurave pa punë

Në komitet bëjnë pjesë të gjitha partitë përveç Partisë së Gjelbër. Pra: FDP/PLR, SVP/UDC, SP/PS, CVP/PDC, GLP dhe BDP

Pas prezantimit të argumenteve të iniciativës për të ardhurat e pakushtëzuara (pagave pa punuar), është krijuar edhe një komitet për kundërshtimin e kësaj iniciative. I ashtuquajturi  “Komiteti JO”, ka treguar të mërkurën para mediave në Bernë arsyet që flasin kundër iniciativës në fjalë, shkruan srf.ch.

Sipas tij, iniciativa rrezikon mirëqenien e arritur në Zvicër, transmeton albinfo.ch. Veç kësaj sipas komitetit të ri, me këtë iniciativë vihen në pyetje vlerat zvicerane si performanca e mirë dhe vetëpërgjegjësia.

“Komitetin JO” e përbëjnë përfaqësues nga të gjitha partitë e përfaqësuara në parlamentin e Zvicrës përveç Partisë së Gjelbër. Pra aty bëjnë pjesë: FDP/PLR, SVP/UDC, SP/PS, CVP/PDC, GLP dhe BDP.

Siç dihet, për këtë iniciativë populli do të votojë më 5 qershor. Në rast se ajo do të fitonte, të gjithë njerëzit që jetojnë në Zvicër, pavarësisht nëse nuk do të punonin, do të merrnin të ardhura, përcjell albinfo.ch. Teksti i iniciativës e lë të hapur shumën që do të kishin këto të ardhura por është përmendur shuma prej 2500 frangash për një person të rritur.