Presidentja Osmani për sulmin tragjik në Magdeburg: Populli i Kosovës qëndron me popullin gjerman

Keystone Foto: Heiko Rebsch/dpa +++ dpa-Bildfunk +++

Presidentja e Republikës së Kosovës, Vjosa Osmani, ka reaguar pas sulmit tragjik në Magdeburg, duke theksuar rëndësinë e unitetit dhe humanizmit në kohë të vështira.

Në një deklaratë të publikuar së fundmi, Presidentja Osmani tha:

“Sulmi shkatërrues në Magdeburg është një kujtesë e dhimbshme për kërcënimet që përballemi dhe për forcën që duhet të tregojmë në kohë tragjedie. Zemrat tona janë me viktimat, familjet e tyre dhe të gjithë ata që janë prekur”. Ajo bëri thirrje për solidaritet dhe bashkim në përballjen e sfidave të përbashkëta, duke theksuar se humanizmi dhe mirëkuptimi janë thelbësorë në përballimin e momenteve të tilla.

Në fund të deklaratës, Osmani shprehu mbështetjen e Kosovës për popullin gjerman:“Populli i Kosovës qëndron me popullin e Gjermanisë!”