Presidenti shqiptar pritet me ceremoni shtetërore në Kosovë

Presidenti i Republikës së Shqipërisë, Ilir Meta ka nisur sot një vizitë zyrtare dyditore në Republikën e Kosovës me ftesë të homologut të tij, Hashim Thaçi, shkruan albinfo.ch.

Presidenti shqiptar është pritur me ceremoni shtetërore nga FSK-ja. Meta më pas është takuar me presidentin Thaçi, derisa më vonë do t’iu drejtohen mediave.

Më pas Meta do të takohet edhe me kryeministrin e Kosovës, Ramush Hajradinaj, me kryetarin e Kuvendit, Kadri Veseli dhe zëvendëskryeministrin e parë dhe ministrin e Jashtëm, Behgjet Pacolli.

Vizita e parë shtetërore e Presidentit të Republikës së Shqipërisë në Kosovë përmban edhe takimi me krerët e partive parlamentare, si dhe homazhe te varri i ish-presidentit Ibrahim Rugova dhe në Kompleksin e Memorialit “Adem Jashari” në Prekaz-Skënderaj.