Ukraina

Presidenti i Ukrainës: Vladimir Putin e ka vrarë Prigozhinin

E premte, 8 Shtator 2023 - 19:40 albinfo.ch

EPA/SERGEY DOLZHENKO

Presidenti i Ukrainës, Volodymyr Zelensky, ka thënë se presidenti i Rusisë, Vladimir Putin, e ka vrarë shefin e grupit mercenar, Wagner, Yevgeny Prigozhin.

“Fakti që ai vrau Prigozhinin – të paktën ky është informacioni që kemi të gjithë ne, jo një tjetër – kjo flet gjithashtu për racionalitetin e tij dhe për faktin se ai është i dobët”, deklaroi ai, njofton SkyNews, përcjell albinfo.ch.

Më parë Kremlini ka thënë se do të hetohen të gjitha shkaqet e mundshme të rrëzimit të aeroplanit, ku ishte në bord Prigozhini dhe me nëntë persona të tjerë, ndërsa sugjerimet që Putini urdhëroi vdekjen e Prigozhinit dhe njerëzve të tij, u quajtën “gënjeshtër absolute”.