Presidenti i Kolumbisë me paralajmërim për SHBA-në: Do të kapim armët nëse na sulmoni

Foto: https://www.aoc.gov/

Presidenti i Kolumbisë, Gustavo Petro, ka paralajmëruar se do të “merrte armët në dorë” nëse SHBA-ja vendos ta sulmoj atë ose vendin e tij, pas disa kërcënimeve nga presidenti amerikan, Donald Trump.

Ai ka theksuar përpjekjet e tij për të luftuar trafikun e drogës, gjë për të cilën Trumpi e ka kritikuar, teksa ka pretenduar se sulmet ushtarake amerikane kundër trafikantëve në Kolumbi do të rrezikonin vrasjen e fëmijëve dhe nxitjen e rekrutimit për grupet separatiste që kanë qenë në konflikt me shtetin për dekada.

“Dhe nëse arrestojnë një president që ka mbështetjen dhe respektin e një pjese të madhe të vendit, ata do të nisin një kryengritje popullore”, ka shkruar ai, transmeton albinfo.ch.

Ai ka thënë gjithashtu se ai vetë do të luftonte për të mbrojtur Kolumbinë.

“U betova se nuk do të prekja më një armë por për atdheun do të marr përsëri armët”, ka thënë ai.