Porti i Durrësit ka një kërkesë për bashkatdhetarët dhe turistët

Foto: APD

Autoriteti Portual i Durrësit ka kërkuar me mirëkuptim që bashkatdhetarët dhe turistët të zbatojnë rregullat e qarkullimit, përcjell albinfo.ch.

Ata kanë thënë se kjo do ta lehtësojë qarkullimin, duke marrë parasysh fluksin e lëvizjeve në këtë port.

Thirrja e plotë nga APD:

Të dashur bashkatdhetarë dhe turistë që hyni/dilni nga Porti i Durrësit!

Ndodhemi në pikun e fluksit të hyrje/daljeve nëpërmjet Portës më të madhe të Shqipërisë! Zbatimi i rregullave të qarkullimit është domosdoshmëri për të lehtësuar lëvizjen tuaj brenda  territorit të Portit!

Pas përpunimit të dokumentacionit tuaj dhe të mjeteve me të cilat zgjidhni të udhëtoni, Autoriteti Portual Durrës, ju kërkon mirëkuptimin për të vijuar rrugëtimin tuaj konform rregullave, duke zbatuar normat e shpejtësisë, tabelat e qarkullimit rrugor dhe të sinjalistikës informuese!

Salla Operative e FSPD-së Ju monitoron lëvzijet tuaja, për të zbatuar me korrektësi parametrat e sigurisë brenda territorit të Portit!

Duke ju uruar mirëseardhjen dhe  udhëtim të mbarë e të sigurtë!

Autoriteti Portual Durrës!