Politika zvicerane ndaj azilkërkuesve, më e suksesshme se ajo evropiane

Politika ndaj azilkërkuesve nga Berna zyrtare është më e suksesshme se sa e BE-së, tha Léa Wertheimer, zëdhënëse e BFM-së, përcjell albinfo.ch.

Numri i refugjatëve në Zvicër është zvogëluar në krahasim me BE-në, vuri në dukje Wertheimer, duke theksuar se që nga viti 2012 Zvicra ka zvogëluar numrin e azilkërkuesve, ndërsa është rritur numri i tyre në Austri dhe Gjermaninë fqinje.

Ajo argumenton se ekspertë nga Sekretariati Shtetëror në Bernë kanë analizuar arsyet e kësaj rënieje.
Strategjia e trajtimit të azilkërkuesve ka ndryshuar.

Për shtetasit nga vendet e sigurta aplikohen procedura të shpejta. Në vetëm 48 orë zgjidhet gjithçka, shpjegon Léa Wertheimer strategjinë e re.

Përveç kësaj, Zvicra azilkërkuesve për të cilët aplikohen procedura të përshpejtuara, ofron këshilla ligjore falas, përmes së cilave refugjatët janë të informuar në mënyrë korrekte në lidhje me shanset e marrjes së azilit.