Polici i shan azilkërkuesit në facebook duke i quajtur “hajna”

Duke folur për gazetat e vendit, polici ka thënë se me këtë rast “nuk kam folur unë si polic por si banor i brengosur dhe baba i dy fëmijëve”.

Një polic nga Neuchateli ka sharë në facebook azilkërkuesit, duke i quajtur hajna. Këtë e ka bërë ai me rastin e hapjes së një qendre të re azili në Neuchatel. “Natyrisht, ne do të themi se nuk ka arsye për brengosje, policia do të sigurojë qetësinë dhe blablabla. Por unë jam kureshtar të shoh statistikat për vjedhje në Qendrën Tregtare të afërme”, shkruan 20minuten.ch.

Duke qenë se polici ka pozitë komanduese dhe veç kësaj është kryetar i sindikatës së policisë në regjion, shprehja e tij ka shkaktuar pakënaqësi dhe ka ngjallur dilema në Zvicër.

Duke folur për gazetat e vendit, polici ka thënë se me këtë rast “nuk kam folur unë si polic por si banor i brengosur dhe baba i dy fëmijëve”.

Shefi i departamentit të policisë në kanton e ka kritikuar policin e tij. “Facebook-u nuk është privat. ë këtë kuptim, edhe aty vlen për policin detyrimi i ruajtjes së fshehtësisë së punës. Polici nuk e ka shkelur ligjin por kjo sjellje është problematike. Kompetenca për më tutje i takojnë komandantit të tij policor”, ka thënë ai.