Poetja shqiptare që boton në shqip dhe italisht

Jasemina Zeqiraj është një shkrimtare nga qyteti i Shkodrës, që prej 24 vitesh jeton në Itali bashkë me familjen e saj, përcjell albinfo.ch.

Ajo arrin ta përkthejë në vargje botën e saj të brendshme, të pasur dhe të larmishme.

Lidhja e saj me poezinë filloi shumë herët në qytetin e lindjes, Shkodër. Siçilia ishte mikpritëse, ku Jasemina u përfshi në çështje sociale, kulturë, letërsi ku gjeti mbështetje, këshilla dhe pjesëmarrje, me shumë sakrifica, por e lirë të zgjedhë dhe të vazhdojë pasionin për të shkruarit. Jasemina botoi “La mia parola” (Fjala ime) në vitin 2006 dhe “Dashuri e lirë” në vitin 2019.

Në një intervistë ajo tregoi për pasionin për poezinë, largimin nga Shqipëria dhe integrimin në një vend të huaj, si dhe planet për të botuar në vazhdim.