Petrovic ndanë 200 mijë euro për komunën e Skenderajt

Ministria e Administrimit të Pushtetit Lokal të cilën e udhëheqë , Slobodan Petrovic ka ndarë 200 mijë euro për Komunën e Skenderajt. Në vizitën e tij të parë në Skenderaj dhe Drenas , Petrovic ka thënë se këto mjete do të shkojnë  për ndërtimin e objektit komunal.

Pas takimit që ka pasur me kryetarin e Drenasit Nexhat Demakun, Petrovic ka shprehur mbështetjen e tij për, siç ka thënë përmirësimin e jetës së gjithë qytetarëve të vendit. Petrovic ka falënderuar qytetarët e Drenasit që i janë përgjigjur pozitivisht procesit të regjistrimit. Ndërkaq kryetari i Drenasit Demaku duke shprehur gatishmërinë për një bashkëpunim të mirë me gjithë komunitetet dhe pushtetin qendror ka thënë se ka respekt për të gjithë pa marr parasysh cilit komunitet i takojnë.