Pesë fish më pak viktima nga katastrofat natyrore në botë

20 mijë viktima të katastrofave natyrore janë regjistruar gjatë vitit 2013. Mesatarja e mëparshme ka qenë rreth 100 mijë viktima në vit

Gjatë vitit të kaluar në gjithë botën kanë humbur jetën 20 mijë njerëz si pasojë e katastrofave natyrore, që është dukshëm më pak se në vitet tjera. Duhet pasur parasysh me këtë rast se numri mesatar vjetor i vdekjeve nga katastrofat natyrore në botë  ka qenë rreth 100 mijë, bën të ditur koncerni për mbështetjen e sigurimeve Munich Re.

Megjithëkëtë, edhe gjatë vitit të kaluar janë shënuar katastrofa natyrore që kanë marrë numër të madh jetësh njerëzore. Më e rënda ka qenë stuhia në Filipine në nëntor ë vitit 2013 e cila ka sjellë përfundim tragjik për rreth gjashtë mijë njerëz.  

Nga ana tjetër, për degën e sigurimeve, katastrofa me pasoja më të rënda financiare ka qenë ajo e reshjeve të breshrit që ka ndodhur në muajin korrik në Gjermani.  Shuma që fondet e sigurimeve janë detyruar të paguanin në emrin e saj ka arritur në 2.9 miliardë euro, , shkruan financialtimes.de..

Po sipas Munich Re, dëmet e shkaktuara nga katastrofa natyrore gjatë vitit 2013 janë vlerësuar në 125 miliardë euro.