Pesë alpinistë të vdekur në Valis

Në Alpet e Valisit në tri raste të ndara brenda ditës së djeshme, kanë humbur jetën pesë persona . Tre alpinistë kanë gjetur vdekjen deri sa po ngjiteshin në akullnajën (gletscher) Du Meitin.

Sipas policisë së Kantonit të Valisit, njëri nga alpinistët mund të ketë humbur drejtpeshimin dhe ka marrë me vete edhe dy të tjerët, me të cilët ishte i lidhur me litar të përbashkët.

Në Ariola ka humbur jetën një alpinist kur litari i tij i lidhur në shkëmb u zgjidh. Një aksident tjetër i rëndë ka ndodhur në Lagginhorn. Atje, ka rënë në humnerë një person që po ngjitej malit bashkë me një grup dhe nuk i kishte lidhur litarët e sigurisë.