Përse duan të ikin shqiptarët nga vendi

Vetëm në dhjetor, afro 57.000 kërkesa për termine në Gjermani

Shqipëria dhe Kosova renditen lartë, për sa i përket dëshirës së largimit nga vendi i lindjes. Shqipëria ishte e katërta në një listë me 152 vende përsa i përket dëshirës së qytetarëve për t’u larguar nga vendi, transmeton albinfo.ch.

Në anketën botërore të Organizatës Gallup, 60% e pjesëmarrësve nga Shqipëria shprehen se do të donin të largoheshin.

Kosova renditet e trembëdhjeta me 46% të pjesëmarrësve që shprehin dëshirë për t’u larguar. Mes shteteve të Evropës, Kosova dhe Shqipëria ishin vendet me përqindjen më të lartë përsa i përket dëshirës për imigrim.

Arsyet janë, punësimi, pagat, shëndetësia, standarti i jetës, shkollimi dhe më pak vizia turistike, transmeton tutje albinfo.ch.

Ndërkohë, Ambasada e Gjermanisë në Prishtinë ka njoftuar se për procedurën e shortit në dhjetor të vitit 2021 ka pranuar gjithsej 56 mijë e 639 aplikime.

Ata kanë aplikuar për një prej rreth 460 terminëve që ka në dispozicion kjo ambasadë për këtë muaj.

Sipas Rregullores për Ballkanin Perëndimor, për Kosovën janë parashikuar në muaj Rreth 460 termine për viza pune! Kjo mbase shpjegon pak gjendjen me terminet për viza. /Albinfo.ch

---