Përleshen azilkërkuesit, theret për vdekje iraniani

Në një qendër azilkërkuesish në Aarau, mëngjesin e së shtunës janë therur dy banorë. Njëri prej tyre vdiq pak më vonë në spital.

Policia kantonale në Aargau është alarmuar për një përleshje në qendrën e azilit në Aarau. Menjëherë ishin dërguar disa patrulla të policisë, thuhet në një njoftim të policisë, përcjell albinfo.ch.

Atje policia gjeti dy burra të plagosur rëndë dhe një tjetër të gjakosur me një thikë në dorë. Autorët e dyshuar janë arrestuar pa asnjë rezistencë mbi policinë.

Ambulanca çoi më pas azilkërkuesin e therur në Spitalin Kantonal në Aarau, i cili vdiq pak më vonë si pasojë e plagëve të marra.

I dyshuar është një iranian 27-vjeçar. Ai, gjithashtu, ishte plagosur dhe është trajtuar në spital. I ndjeri është identifikuar si një 43-vjeçar iranian. Edhe i plagosuri është gjithashtu një iranian 25 vjeç.
Rrethanat e sakta dhe sfondi i therjes me thikë është ende i paqartë.