Futboll

Përfundon sezoni për Ezgjan Alioskin

Alioski do të ketë një operacion, kështu që do të humbasë tërë edicionin

E mërkurë, 24 Prill 2019 - 9:20 albinfo.ch

Skuadra e Leeds United ka konfirmuar se Ezgjan Alioski ka përfunduar sezonin për shkak të një lëndimi.

Futbollisti i Maqedonisë Veriore u detyrua të largohej pas vetëm 12 minutash në humbjen 2:0 në Brentford, të hënën, raporton “BBC”.

Alioski do të ketë një operacion, kështu që do të humbasë tërë edicionin, përcjell albinfo.ch.

“Ne jemi të zhgënjyer nga lajmet”, tha drejtori i futbollit i klubit, Victor Orta.

“Ai ka treguar cilësinë e tij gjatë gjithë vitit. Ai është një figurë popullore. Ai është një shembull edhe për lojtarët e rinj”.

Alioski, i cili u bashkua me Leeds nga Lugano në vitin 2017, është paraqitur në të gjitha 47 ndeshjet këtë sezon, duke shënuar shtatë gola.

Ai pritet të mungojë për gjashtë deri në tetë javë.

 Të ngjashme

Granit Xhaka pritet të mungojë 6 deri në 8 javë pas lëndimit

 Të tjera nga Futboll

Mediat italiane: Asllani pritet të largohet nga Interi

 E-Diaspora

 Jeta në Austri