Për të moshuarit, SHBA lëshon viza edhe në Prishtinë

Kosovarët e moshës mbi 60 vjeçare do të mund të aplikojnë për vizë turistike (b1/b2) në Ambasadën Amerikane në Prishtinë

Nga 5 janari i vitit të ardhshëm, Ambasada amerikane në Prishtinë do të filloj të pranoj aplikacionet për viza turistike (B1/B2) për Kosovarët e moshës mbi 60 vjeçare. Deri më tani, shërbim i tillë është ofruar në Prishtinë vetëm për ripërtërirjen e vizës së skaduar dhe për të moshuarit mbi 80 vjet.

Këtë njoftim e ka lëshuar sot Ambasada Amerikane në Kosovës, e cila pranona aplikacione vetëm për të moshuarit.

“Ambasada amerikane në Prishtinë përpiqet të ofroj shërbime cilësore për qytetarët e Kosovës të cilët aplikojnë për viza dhe ka konsiderata për vështirësitë që paraqet udhëtimi për në Shkup, ka vendosur ti zgjeroj shërbimet për viza të ofruara në Prishtinë”, thuhet në njoftim.

Në të ardhmen, aplikantët, sipas njoftimit, duhet plotësuar formularin DS-160 (i cili mund të gjendet në faqen zyrtare të ambasadës amerikane në: https://xk.usembassy.gov/visas/), të përzgjedhin Prishtinën si vend i aplikimit dhe të caktojnë terminin në web-faqe.

“Në ditën e intervistës aplikantët duhet të paguajnë tarifën për vizë (me para në dorë, dollarë ose euro) në ambasadë ku dhe do të intervistohen nga një zyrtar konsullorë. Vëni re se këto procedura dallojnë nga ato për në ambasadën amerikane në Shkup. Gjatë intervistës, të gjithë aplikantët duhet të vërtetojnë se kualifikohen për të marrë vizën. Zakonisht, vizat e aprovuara mund të merren në ambasadë, dy ditë pune pas intervistës”, thuhet në njoftim.

“Qiftet e martuara mund të aplikojnë së bashku përderisa njëri nga ta është mbi 60 vjeç. Të gjithë aplikantët tjerë të moshës 14 deri 59 vjeçare e që aplikojnë për herë të parë për vizë turistike (B1/B2) duhet të aplikojnë në ambasadën amerikane në Shkup”, thuhet në njoftim.