Për çështjen e emrit palët vazhdojnë në 12 maj

Shefat e diplomacisë të Maqedonisë dhe Greqisë, Nikolla Dimitrov dhe Nikos Koxias janë pajtuar në takimin që kanë pasur në Selanik që takimi i ardhshëm për çështjen  e emrit 12 maj të  mbahet në Athinë me ndërmjetësin e Kombeve të Bashkuara për emrin, Methju Nimic.

Takimi, i cili është pjesë e kontakteve të shpeshtuara në negociatat për zgjedhjen e çështjes me emrin, zgjati një orë e gjysmë dhe ata e vlerësuan si pozitiv.

“E dini se dallime ende ka. Këtë që dje dhe sot e bëjmë është kërkim i kombinimeve, të cilat njëra ose pala tjetër, do të mund t’i pranojnë dhe kjo është detyra e jonë. Për këto elemente duhet të bisedojmë edhe në shtëpi dhe ta shfrytëzojmë edhe takimin e ardhshëm”, tha Dimitrov pas takimit. Theksoi se çështja është komplekse dhe me rëndësi të madhe. Ndërsa diplomati grek ka thënë se beson se është momenti i fundit që çështja të zgjidhet.