PDK: Presim rezultate edhe më të mira

“Jemi të sigurt që vullneti i qytetarëve reflektohet edhe më mirë sesa që pasqyrojnë rezultatet preliminare të exit-polleve”, ka thënë Blerand Stavileci

Blerand Stavileci, zëdhënës i PDK-së për zgjedhjet e 2025-s, ka thënë se kjo parti konsideron që rezultatet finale do ta paraqesin këtë parti më mirë se rezultatet e projeksioneve dhe Exit Poll-eve të publikuara menjëherë pas zgjedhjeve.

Në një konferencë për media, ai ka thënë se zgjedhjet ishin fitore për vendin.

“Jemi të sigurt që vullneti i qytetarëve reflektohet edhe më mirë sesa që pasqyrojnë rezultatet preliminare të exit-polleve”, ka thënë ai, transmeton albinfo.ch.

Sipas projeksionit të KOHËS për rezultatin e zgjedhjeve, PDK-ja ka dalë e dyta me 21.3 për qind të votave. Vetëvendosje prin me 42.3.

---