Pasaportat më të fuqishme në botë: Zvicra në vendin e katërt

Henley Passport Index 2025: Si renditen pasaportat e Zvicrës, Shqipërisë dhe Kosovës

Sipas Indeksit të Pasaportave Henley, një nga renditjet më të njohura që matin fuqinë e pasaportave në nivel global, Zvicra renditet e katërta në botë, duke mundësuar qytetarëve të saj udhëtimin pa vizë në 188 vende, transmeton albinfo.ch. 

Renditja e katërt ndahet edhe me disa vende evropiane si Gjermania, Italia, Luksemburgu dhe Spanja. Në vend të pestë u rendit Austria, me pasaportën që ofron akses të lirë në 187 shtete.

Në pjesën tjetër të tabelës, Kosova zë vendin e 65-të, me mundësi udhëtimi pa vizë në 81 vende, ndërsa Shqipëria shënon një përparim, duke u renditur e 47-ta, me qasje në 122 vende.

Ekspertët vlerësojnë se renditjet e këtij lloji reflektojnë jo vetëm marrëdhëniet diplomatike të një shteti, por edhe lirinë dhe fleksibilitetin e qytetarëve për të udhëtuar globalisht. /Albinfo.ch

 

---