Pas pushimit, nesër rifillon procesi ndaj Thaçit, Veselit, Selimit e Krasniqit

Ditën e hënë Gjykata Speciale rifillon punën pas pushimit dimëror. Ish-krerët e Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, do të dalin nesër para trupit gjykues, transmeton albinfo.ch.

Procesi i rregullt do të mbahet nga e hëna në të enjten, me fillim nga ora 09:00 teksa Dhomat e Specializuara të Kosovës kanë vendosur të pranojnë me shkrim dëshmitë e dy dëshmitarëve.

Gjatë vitit 2024 në këtë rast janë mbajtur gjithsej 107 seanca, kurse në total janë kaluar 182 ditë në sallën e gjyqit që nga fillimi i gjykimit dhe kanë dëshmuar gjithsej 110 dëshmitarë të ZPS-së.