Partia e ekstremit të djathtë fiton rundin e parë të zgjedhjeve në Francë, sipas sondazheve, Macron në vendin e tretë

(AP Photo/Michel Euler, Pool)

Partia e ekstremit të djathtë të Francës, “Tubimi Kombëtar”, sipas sondazheve po udhëheq raundin e parë të zgjedhjeve parlamentare me rreth 33% të votave.

Anketuesit IFOP, Ipsos, OpinionWay dhe Elabe zbuluan se koalicioni i krahut të majtë Fronti i Ri Popullor u pa në vendin e dytë me rreth 28.5%, shkruajnë mediat e huaja. Blloku qendror i Presidentit aktual, Emmanuel Macron, ishte në vendin e tretë me 20.5-23%, transmeton albinfo.ch.

Për BFM TV, Elabe tha se “Tubimi Kombëtar” dhe aleatët e tij mund të fitojnë midis 360 dhe 310 vende parlamentare në raundin e dytë të votimit më 7 korrik. Ipsos parashikoi një gamë prej 230-280 vendesh për Frontin Kombëtar dhe aleatët e tij në një sondazh për France Television.

289 vende nevojiten për një shumicë absolute në Asamblenë Kombëtare – Dhoma e Ulët e Parlamentit të Francës.

Ndryshe, Emmanuel Macron thirri zgjedhje të parakohshme legjislative në Francë pas rezultateve katastrofike të partisë së tij në zgjedhjet e BE-së në fillim të këtij muaji. “Tubimi Kombëtar” kundër emigrantëve, i udhëhequr nga Marine Le Pen, kryesoi sondazhin me më shumë se 31% të votave – duke mposhtur partinë qendrore të Rilindjes së Macron, e cila arriti 14.6%.