Parlamentarët kërkojnë blerjen e fluturakeve luftarake

Ministri i mbrojtjes Ueli Maurer ka thënë se për një blerje të tillë, nga buxheti i departamenteve tjera duhet hequr 4 miliardë franga

Parlamenti i Zvicrës këmbëngul në kërkesën e tij drejtuar Qeverisë Federale për të blerë aeroplanë luftarakë. Komisioni për politikë të sigurisë ka sjellë një mocion përmes të cilit kërkon sigurimin e aeroplanëve të përmendur.

Kjo kërkesë bie ndesh me vërejtjen që ka bërë ministri i mbrojtjes Ueli Maurer se për një blerje të tillë, nga buxheti i departamenteve tjera duhet hequr 4 miliardë franga.

Qeveria Federale kishte vendosur vitin që shkoi të shtynte për më vonë blerjen e fluturakeve të reja luftarake që do të zëvendësonin aeroplanët e vjetruar “Tiger”. Ishte përcaktuar që për blerjen eventuale të vendosej më së voni në vitin 2015, shkruan Tages Anzeiger.

Mirëpo Paralamenti Nacional, me një shumicë votash (95 pro dhe 69 kundër) ka treguar një qëndrim tjetër. Sipas tij, fluturaket luftarake duhen blerë edhe para vitit 2015. Për këtë, duhet rritur fondi i përcaktuar për ushtrinë.

E djathta kërkesën për blerjen sa më parë të aeroplanëve e ka arsyetuar me nevojat e mbrojtjes dhe sigurisë së vendit.

Mocioni do t`i kalojë për miratim edhe Dhomës së Ulët (të kantoneve).