Parisi, me teleferik të ri urban për të shmangur tollovitë në trafik

Me një gjatësi prej 4.5 kilometrash, sipas zhvilluesit, është teleferiku urban më i gjatë në Evropë

Udhëtarët në Paris së shpejti do të jenë në gjendje të lëvizin rehat mbi bllokimet e trafikut falë një teleferiku të ri.

Teleferiku, i quajtur “Câble C”, do të inaugurohet të shtunën (sot), transmeton albinfo.ch. Me një gjatësi prej 4.5 kilometrash, sipas zhvilluesit, është teleferiku urban më i gjatë në Evropë. Ai do të lidhë periferitë në juglindje të qytetit me Metronë e Parisit.

Udhëtimi zgjat afërsisht 18 minuta, më pak se gjysma e kohës që duhet për të përshkuar të njëjtën rrugë me autobus, shkruajnë mediat franceze.

Priten 11,000 pasagjerë në ditë. Kabinat do të funksionojnë çdo 30 sekonda, shtatë ditë në javë.

---