Paralajmërohet miqësorja Kosovë-Kroaci

Kryetari i Federatës së Futbollit të Kroacisë, Davor Shuker, ka qëndruar për një vizitë në Kosovë

Ai është takuar me ndihmëstrajnerin e Kosovës, Muharrem Sahiti.

Nga ky takim u paralajmërua një miqësore mes Kosovës dhe Kroacisë.

Postimi i plotë i FFK-së:

Gjatë qëndrimit të djeshëm në Kosovë, presidenti i Federatës së Futbollit të Kroacisë, Davor Shuker, gjatë tërë kohës është shoqëruar nga ish-futbollisti ynë i mirënjohur, tani ndihmëstrajner i Kombëtares A, Muharrem Sahiti.

Përveç se evokuan kujtimet e ligës dhe futbollit të atëhershëm, kur ata ishin yje në klubet e tyre, ata biseduan edhe për punën dhe rezultatet e të dyja kombëtareve në vitet e fundit, teksa u dakorduan edhe për zhvillimin e një ndeshjeje miqësore ndërmjet Kosovës dhe Kroacisë në një kohë të përshtatshme për të dyja kombëtaret, për datën e të cilës do të vendosin në të ardhmen e afërt të dy presidentët e federatave, shkruan klankosova, përcjell albinfo.ch.

---