Paragjykimet ndaj Covid, mes gjermanisht-folësve dhe frëngjisht-folësve në Zvicër

Covid "coronagraben" i Zvicrës

Neue Zürcher Zeitung (NZZ) analizoi “röstigraben” – një term i përdorur për të përshkruar ndarjen kulturore midis pjesëve gjermane dhe frëngjishtfolëse të Zvicrës – në mënyrë që të zbulohet pse e para është më shumë kundër masave Covid të qeverisë sesa kjo e fundit, përcjell albinfo.ch.

Ndërsa ka demonstrata kundër rregullave federale çdo disa ditë në Zvicrën gjermanofone, tubimet e krahasueshme janë të rralla në zonën që flet frëngjisht, tha gazeta.

U zbulua se në rajonin frëngjishtfolës, gatishmëria për të vaksinuar është dukshëm më e lartë – të paktën gjysma e popullsisë është plotësisht e vaksinuar atje. Në Zvicrën Qendrore dhe Lindore, nga ana tjetër, ka nëntë kantone në të cilat më pak se 50 për qind e banorëve kanë marrë dy doza vaksine.

“Gjithashtu përshtatet në figurën që röstigraben u shfaq në votimin e parë për ligjin Covid 19 në qershor. Të gjitha kantonet që flasin frëngjisht thanë po, ndërsa të paktën tetë kantone zvicerane që flisnin gjermanisht refuzuan propozimin”, raportoi NZZ.

“Nuk është rastësi që SVP, e cila është kritike ndaj masave, është forca më e fortë ose më e fuqishme politike në ato kantone”, shtoi ajo.

---