Panairi “Geneva Motor Show 2017” vjen me shumë risi

Po afrohet njëri ndër panairet më të mëdha në botë, e që mbahet në Gjenevë të Zvicrës. Bëhet fjalë për sallonin e 87-të të automobilëve, i cili do të hapet nga 9 marsi, ndërsa hapjen solemne të sallonit do ta bëjë këshilltari federal, Johann Schneider-Ammann. Organizatorët presin 700.000 vizitorë dhe 10 mijë përfaqësues mediash.

Në sallat e Palexpo në Gjenevë, 180 ekspozues do të konkurrojnë në një sipërfaqe prej 77,000 metrash katrorë.

Në mesin e 700 modeleve, do të jenë 126 premiera botërore dhe evropiane.
Vëmendje e veçantë u është kushtuar automobilave që ruajnë mjedisin dhe aspektin ekonomik. Një aplikacion që do të shkarkojnë vizitorët në telefonat celularë do të kenë mundësi për të gjetur automjetet që lëshojnë më pak se 95 gram CO2 për kilometër. Ky mjet është zhvilluar në bashkëpunim me “SwissEnergy”.