Pacolli nuk merr pjesë në Banja Llukë, përmend ‘kërcënimet’

Ministri i Punëve të Jashtme të Kosovës, Behgjet Pacolli nuk merr pjesë në Banja Llukë, tha se Presidenti i Republikës serbe të Bosnje dhe Hercegovinës, Miroslav Dodik, e 'kërcënoi' se nuk është i mirëseardhur.

Ministri i Punëve të Jashtme, Behgjet Pacolli nuk ka marrë pjesë në takimin e Ministrave të Punëve të Jashtme të vendeve anëtare të Procesit të bashkëpunimit në Evropën Juglindore.

Pacolli me anë të një postimi në rrjetin social ‘Facebook’ ka treguar në lidhje me rastin.

Kjo për shkak të këcënimeve nga Presidenti i Republikës serbe të Bosnje dhe Hercegovinës, Miroslav Dodik, i cili gjatë ditës së sotme në një intervistë për një medium ka deklaruar se Pacolli dhe delegacioni i tij nuk janë të mirëseardhur në Banja Llukë, shkruan Albinfo.ch.

“Me politikan si Dodik rajoni nuk mund të ecën pērpara. Gjuha kërcënuese e Dodikut na kujton një të kaluar të afërt të politikanëve radikal, si ky vet dhe pasojat e këtyere kërcënimeve. Republika e Kosovës mbetet e përkushtuar drejt bashkëpunimit rajonal, ndërsa ftoj zyrtarët e BE-së, sidomos ata në Komisionin Evropian që të mos heshtin ndaj këtyre fenomeneve”, ka shkruar Pacolli në Facebook.

---