Osmanit i kërkohet shtyerja e zgjedhjeve lokale

Në adresë të Presidentes së Kosovës, Vjosa Osmani sot ka shkuar një kërkesē për anulimin e zgjedhjeve lokale të 17 tetorit.

Kjo vjen nga Kryetari i Federatës së Sindikatave të Shëndetësisë së Kosovës, Blerim Syla i cili arsyetimin e kërkesës e bën bazuar në rritjen e madhe tê infektimeve në vend, raporton Albinfo.ch.

Përmes një postimi në Facebook, Syla shkruan se numri i të infektuarve dhe të vdekurve është skandaloz dhe se Kosova është për ‘marre e gjynah’ sa i përket menaxhimit të pandemisë.

Postimi i plotë:

Presidentes…Kërkesë

E nderuar anuloi zgjedhjet lokale per 6 muaj…

Duke e ndjer dhe prekur këtë numër skandaloz të infektuarve dhe të vdekurve po ju adresohem publikisht pasi spo merrni vesh.

PRESIDENTE jemi për marre e gjynah,për menaxhim të Pandemis,Ju lutem jeni bija e një punetore të rrespektuar shëndetsore,e dini pra çka do thotë kjo. Jemi lodhur,dermuar,ofenduar e të neglizhuar…andaj veproni.

Nuk po kërkoj takime,foto të qastit e lëmosh,po kërkoj njerzi dhe ndenje.

KRYETARE ANULONI ZGJEDHJET LOKALE DHE FORMONI SA MË SHPEJT NGA JU GRUPIN PËR SHPËTIM NACIONAL NGA PANDEMIA …JEMI KEQ…

ME RESPEKT DR.Blerim Syla.

 

---