Osmani tregon se a gaboi bashkëshorti i saj kur akuzoi mediat

Presidentja e mohon se bashkëshorti i saj i ka quajtur mediet “ndërmarrje e përbashkët kriminale”

Presidentja Vjosa Osmani për herë të parë ka folur për shkrimet e bashkëshortit të saj Prindon Sadriu në raport me mediat.
Thotë se Sadriu asnjëherë nuk i ka quajtur mediat ‘ndërmarrje kriminale’.

“Ai e qartëson shumë mirë, që në asnjë moment nuk i ka quajtur mediat ‘ndërmarrje kriminale’. Mjafton bre ta lexojnë. Mjafton ta lexojnë. Nuk i ka quajtur mediat ndërmarrje kriminale, mjafton ta lexojnë”, tha Osmani për RTK-në, transmeton Albinfo.ch.

Prindon Sadriu, bashkëshorti i Presidentes Vjosa Osmani, ditë më parë përmes një statusi në Facebook shkroi për disa ‘gazetarë’ që ai i cilësoi si ‘ndërmarrje kriminale’ e që shkaktoi reagim të Asociacionit të Gazetarëve të Kosovës dhe Federatës së Gazetarëve Evropianë. Po ashtu, ndaj statusit të tij ka reaguar edhe raportuesja për Kosovën në Parlamentin Evropian, Viola Von Cramon.

 

---