Ortek në zonën e skijimit në Adelboden, mobilizohen shërbimet e emergjencës

Ortek pranë ashensorit të skijimit në Adelboden, në terren Rega dhe policia

Një ortek ka rënë rreth orës 11:15 pranë ashensorit të skijimit Luegli, në zonën Petersläägi, brenda kompleksit të skijimit Adelboden/Hahnenmoos, përcjell albinfo.ch.

Lajmi është konfirmuar nga Kantonspolizei Bern për SRF. Në vendngjarje janë angazhuar njësitë speciale të policisë, shërbimi ajror i shpëtimit Rega dhe ekipet e shpëtimit alpin, për shkak të dyshimeve për persona të mundshëm të zhdukur. Deri më tani nuk ka raportime për persona të humbur dhe, sipas policisë, në terren nuk janë lokalizuar viktima. Nuk është e qartë nëse orteku ka prekur ndonjë pistë të shënuar apo infrastrukturë të skijimit, ndërsa autoritetet nuk kanë konfirmuar nëse zona është mbyllur pas incidentit.

Ndërkohë, situata e ortekëve në rajonin alpin mbetet e tensionuar. WSL-Institut für Schnee- und Lawinenforschung (SLF) ka paralajmëruar për rrezik të lartë ortekësh në zonën e Valais dhe rajonet përreth mbi 1800 metra lartësi, duke theksuar se ortekët mund të shkaktohen lehtësisht ose të bien spontanisht. Një ditë më parë, një ortek bllokoi edhe hyrjen jugore të transportit të automjeteve të BLS në aksin Lötschberg./Albinfo.ch

https://www.srf.ch/news/schweiz/rettungsdienste-im-einsatz-lawinenniedergang-im-skigebiet-von-adelboden

---