Opozita kërkon shkarkimin e ministres së Tregtisë pas arrestimeve

Opozita është duke kërkuar shkarkimin e Ministres së Industrisë, Ndërmarrësisë dhe Tregtisë, Rozeta Hajdari, pas arrestimit të dy zyrtarëve të kësaj ministrie për keqpërdorime në rezervat shtetërore.

“Shoqërimi në polici i Hafizit e Irfanit dhe bastisja e pronave të Ridvan Muharremit për “Aferën Gruri&Vaji” në MINT, kanë kuptim vetëm nëse shkarkohet edhe Rozeta Hajdari. Nuk mund t’i iket përgjegjësisë politike në një skandal të madh si ky. Rozeta, si udhëheqëse e këtij dikasteri, është fillimi dhe fundi i problemit. Kryeministër, fjala është për ty!”, ka shkruar deputetja e Partisë Demokratike të Kosovës, Blerta Deliu, përcjell albinfo.ch.

Mëngjesin e së premtes, Policia e Kosovës ka arrestuar tre persona për keqpërdorim të rezervave shtetërore.