Nxënësit shqiptarë nga Suedia vizitojnë Ministrinë e Diasporës në Shqipëri

Ekskursioni i nxënësve shqiptarë nga Suedia po vazhdon në Shqipëri, me qëllim të njohjes së historisë shqiptare, shkruan albinfo.ch.

Me kërë rast, ata janë takuar edhe me ministrin e Shtetit për Diasporën, Pandeli Majko.

“Të shoqëruar nga mësuesit e tyre Xhevat Isufi, Hava Limani dhe Sylejman Berisha, biseduan për rëndësinë e ruajtjes së kulturës dhe gjuhës shqipe”, thuhet ndër të tjerash në njoftimin e kësaj ministrie.

Në kuadër të këtij ekskursioni, nxënësit shqiptarë nga Suedia, vizitojnë shkollat, qytetet, monumentet kulturore dhe historike në Shqipëri, Kosovë, Maqedoni, për t’u njohur më nga afër me historinë shqiptare, përcjell albinfo.ch.

Ky ekskursion, i njohur me emrin “Patriotik”, është i 15-ti me radhë.

Para dy ditësh, nxënësit shqiptarë nga Suedia po ashtu vizituan Kosovën, ku u pritën edhe në Ministrinë e Diasporës dhe Investimeve Strategjike.