Sport

Notat: Mustafi, më i miri mes futbollistëve shqiptarë

Shkodran Mustafi është vlerësuar me 7.8, Granit Xhaka me 7.6 dhe Xherdan Shaqiri me 6.6

E diel, 4 Nëntor 2018 - 10:30 albinfo.ch

Arsenal dhe Liverpool u ndanë në paqe 1:1, derisa në këtë ndeshje të Premierligës u paraqitën tre futbollistë shqiptarë në fushë.

Granit Xhaka dhe Shkodran Mustafi e nisin nga fillim për Arsenalin, derisa Xherdan Shaqiri hyri në minutën e 80-të, shkruan albinfo.ch.

Sipas “Sofascore.com”, Mustafi është notuar me 7.8 për paraqitjen e tij në këtë takim. më e larta për një futbollist të Arsenalit, kurse te Liverpooli me notën 7.9, më i miri ishte kapiteni James Milner, që edhe e shënoi golin e parë.

Xhaka u vlerësua me notë 7.6, kurse, Xherdan Shaqiri që u fut në lojë në vend të Roberto Firminos në 10 minutat e fundit, mori vlerësimin 6.6 për kontributin e tij.