Norvegjia vendos kufizime të reja për të parandaluar valën e re COVID-19

Keystone

Norvegjia do të vendosë kufizime të reja për të parandaluar një ringjallje në përhapjen e koronavirusit, tha Kryeministrja Erna Solberg të dielën, duke përfshirë një ndalim në të gjithë vendin për të shërbyer alkool në restorante dhe bare dhe për të mos ftuar mysafirë në shtëpi, shkruan “Reuters”, përcjell albinfo.ch

Vendi Nordik ka parë një rritje të rasteve gjatë muajit të kaluar dhe tani vlerëson se një person i sëmurë infekton 1.3 person mesatarisht, thanë autoritetet.

“Ne shohim më shumë shenja të një vale të re infeksionesh”, tha Solberg në një konferencë për shtyp, duke përmendur festimet e Krishtlindjeve dhe Vitit të Ri dhe shfaqjen e variantit më ngjitës të virusit të identifikuar së pari në Britani. Pra, për të mos pasur një epidemi që është “jashtë kontrollit”, norvegjezët duhet të pezullojnë jetën e tyre shoqërore për dy javët e ardhshme, tha Solberg, qeveria tha se leksionet në universitete do të pezulloheshin deri në 18 janar, me qeverinë që u kërkoi studentëve të qëndrojnë në shtëpi dhe të mos kthehen në kampuset e tyre gjatë asaj kohe.

Të enjten, Oslo vendosi teste të detyrueshme COVID-19 për të gjithë njerëzit që mbërrijnë në Norvegji brenda 24 orësh për të ndaluar përhapjen e variantit të koronavirusit të zbuluar së pari në Britani.

Numri kumulativ i rasteve COVID-19 i Norvegjisë për 100,000 banorë ishte në 113.6 në javën 21-27 dhjetor, i katërti më i ulët në Evropë pas Islandës, Greqisë dhe Finlandës, ka thënë Qendra Evropiane për Parandalimin dhe Kontrollin e Sëmundjeve, përcjell tutje albinfo.ch